قصيدة .. غزة

نگوليك يا طير كلام مرْ
أنا عبد وانت حرْ
أنا شايف وما قادر نگولْ
أنا واقف بقدم مشلولْ
أنا صورة مكسورة طرافْ
أنا تشتات بكل الأوصافْ
أنا عربي وفگلبي حزة
أنا مجروح وجرحي غزة
لا قوت يحلى ف لساني
لا لباس شكلو وتاني
أنا هنا وهمي لهيهْ
أنا كسدة الروح ما فيهْ
بغيت نكون ونبوح بالمخزون
لگيتْ كلامي ف لساني مفتونْ
لگيت لقلم خطو مرعوبْ
وحتى الورقة ترمي المكتوبْ
وحتى التنديد ما بقى جديدْ
وباش گاع غايفيدْ
bouhkya@gmail.com