السهر على تربية وتعليم الرشوة

كشف لينا التقرير ديال منظمة ترانسبارانسي الدولية - رضوان الله عليها - حول الفساد والحكامة الخاص بالتربية، بأن 46 في المائة من المغاربة دفعوا رشاوي في قطاع التربية والتعليم.
وفالحقيقة، 46% ماشي شي رقم كبير واللا مهم كاع بزاف، حتى الى تعلق الأمر، بالفساد فالتربية والتعليم، وحنا عطانا الله واحد الحكومة تيقودها واحد الحزب همو الأول والآخر هو يحارب الرشوة والفساد.
لذلك الحكومة ديالنا ما يهمهاش هذا الرقم، وحتى كاع إلى تضرب فزوج ما يهمهاش.. الحكومة ديالنا باغه تربي الرشوة من روض الأطفال للابتدائي، للإعدادي، للجامعي، ومنين تكبر الرشوة و تولي مربية ومؤدبة ومهذبة، ومعلمة وفاهمة، عاد ذاك الساع تكول لينا الحكومة ديالنا: إيوا دابا نوضوني ليها!