صديق الطريق

عزمت عالسفر وشديت الطريق
ف برد الليالي والشتا صبابة
لقيت واحد يخوي تاي من لبريق
جالس وحدو ملوي ف قشابة
سولتو واش ما عندك صديق؟
قال لي: ما كاين غير دياب لغابة!
اصحا من الكلبة يا الغافل وفيق
واحضي راسك من القوم اللعابة
واخ دير الخير ما تلقى اعتيق
اجمع واطوي مع القوم الكذابة
ما ينفعوك لا ف شدة أولا ف ضيق
نوض اجمع راسك من دابة
بنهار إيبانو ف ثوب انيق
وبالليل ايكونوا عصابة
هاد بنادم وقتاش إعيق
لا منطق زين لا كلمة مصوابة
وزاد قال لي مول لبريق
اسمع كلامي أولا تسال عالمكتابة
اعلاش أنا جيت لجناب الطريق
وبقيت وحدي ف هاد الغابة
أنا والعيسي نكميه عالريق
وانتصنت وحدي لهموم الحطابة
اتهلا ف راسك أو ما تبقاش اتيق
واللي ما اعترف بيك الما والشطابة