للالعروسة

للالعروسة...
للباس التقليدي مواتيك
بحلة عصرية..
لطيفة في التكشيطة والشربيل
مع لحلي الدهبية
لقفطان مع الخلخال
زادوك جمال وجادبية.
ليدين مع الرجلين
بالحناني موردين
قدك عاطي نظرة للعين
ليك مني الف تحية.
الوجه مليح
وللسان فصيح
نظرة منك تفتح الشهية.
الطول ولبياض
الظرافة والزين
والشعور دهبية.
صوتك عدب رنان
كانوا نغمة
وعيونك خمرية.
شويفة منك للقليب
دوا ورحمة
راني نبغيك.. للالعروسة
والله شاهد علي.
ياله يالولاد...لحباب مع لصحاب
نفرحو..ونطربو
على نغمة مغربية.