قال سفيان البحري، مدير صفحة الملك محمد السادس بالفايسبوك، أن الملك يواصل تجوله في شوارع العاصمة الفرنسية "كأيها الناس" ، وسط ترحيب حار وتصفيقات من كل ساكنة المدينة، فرنسيين، مغاربة وأجانب. و نشر البحري ، صورة جديدة للملك في باريس رفقة أحد شاب مغربي يدعى "المهدي"، مرفوقة بتفاصيل عن هذا اللقاء ، حيث جاء في الصفحة أن الاخير كان يراوده حلم لقاء الملك منذ سنة 2014، بعد أن رأى الملك في منامه، مبرزا " لبارح مع السادسة ونصف خرجت من الخدمة باش نتلاقا مع زميلتي فمتجر غاليري لافاييت باريس حيث بغينا نشريو هدية عيد ميلاد لصديقنا، تلاقيتها وبدينا كانهدرو على الملك وسبحان الله حتى جا قدام عينِينَا، ماتيقناش راسنا ." وأضاف الشاب المغربي " بقينا كانساينوه حتى يسالي مابغيناش نبرزطوه، أنا بغا يسكت ليا القلب، منين سالا مشينا عندو وخديت هاد الصورة، بقا كايسولني واش كانقرا ولا خدام وكايطمئن عليا... أنا رحبت بيه ودعينا معاه الله يخلي ليه صحيحتو وهو قال ليا الله يرضي عليك آولدي، ماعمرني نسا أن الملك رضا عليا ." و تابع قائلا " صيفطت لواليديا الصورة بغاو يطيرو بالفرحة والواليد بالزربة دار ليها الكادر علقها فالدار، كنت بغيت نقول لملكنا أنا باغي نخدم فبلادي وبغيت نقولو بزاف ديال الحوايج مهمين ولكن ديك اللحظة كنت طاير ونسيت كلشي، وراك عارف آخويا سفيان الحلمة للي قلت ليك على سيدنا العام اللي فات، الحمد لله ربي حققها ليا وكانتمنا نشوفو مرة أخرى يا رب ".
