أيس كريم فواكه طبيعي

نص كيلو شهدية.
2 حبات خيزو صغار أو وحدة كبيرة مسلوق نص سلقة ومقطر ( ستعملت خيزو مجمد هو لي كان موجود عندي)
100 ملل كريم فريش.
1 بيرلي طبيعي أو محلى أو أي ياغورت حسب المتوفر عندكم. ( من الأحسن يكون طبيعي أو بنكهة الخوخ أو فانيل)
3 معالق سنيدة ( حلاوة حسب الذوق)عصير نص حامضة ( نسيت مصورتوش)

طريقة تحضير :
نقشر الشهدية ونقطعها طريفات. نكب عليها عصير نص حامضة ( باش متأكسدش وتحافظ على لونها). و نزيد خيزو وسنيدة.
نطحن الكل مزيان.
ثم نزيد ياغورت و كريم فريش و نعاود نخلط.
ندير الخليط فبواطة و ندخلوه للمجمد أو فريكو على الأقل 5 ساعات
نعاود نقاد وجه الكلاص و نرجعو للمجمد.