يحيا التوانسة ./ شعر / ميادة مدحت

تحية إعزاز وتقدير
بمناسبة حلول ذكرى البوعزيزى والثورة التونسية المجيدة يسعدنى ان أهدى جريدتكم أحدث قصائدى غير المنشورة عن تونس
التوانسة هما هما
شعب صاحى وكله همة
فجر الثورة ف عروقنا
ولا يزال جندى ف مهمة
التوانسة مبيناموش عن حق
أبدا
لا فرطوا ولا باعوا للعسكر
بشاير حلمهم
ملحمة لشعب واعى وصاحى جدا
وانتوا يا اللى فى مصر ثورتم
خدتوا ايه ؟
مين حكمكم بعد ما اتخلى السفيه ؟
العسكر اللى بدبابتهم يهرسوا فى الخلق؟
ولا البلطجى سارح بسيفه
ولا الشيوخ اللى ما نعرف كانوا فين
وفجأة طلعوا من جحورهم يكفرونا
ويقولونا تكفيرنا حق
و الثورة حلم جميل وأخضر
كرامة حرية .. رخاء وعيشة سكر
سيبتوها ليه فى إيدين عساكر ابن عسكر
الثورة لو تفضل هتاكلوا الشهد
وان راحت هيبقى غداكو فول
الثورة يعنى النور هيدخل فى العقول
لا مشير يخون ولا شيخ يكفر