اش هاذ التناقض اسي المجلس ؟

لقاء يومي متجدد على محمدية بريس


اش هاذ التناقض اسي المجلس ؟

السيدة العاملة تاع المحمدية قامت بزيارة هي لولا ليها للمجلس البلدي بالمحمدية نهار 14 نونبر هاذ العام حضرات بوفد هام من العمالة، والمجلس كان ممثل بالاضافة للسيد الرئيس كانو تقريبا جميع رؤساء الاقسام تاع المجلس ، كانت مناقشات واقتراحات لعدد من المشاريع الخاصة بالمدينة ، وكان التركيز على الرياضة ' القاعة المغطاة بملعب البشير ، المركز الترفيهي والرياضي بالمصباحيات ) لمهم كانت تدخلات ، وكل رئيس قسم بالجماعة باغي يبين اش دار وها اللي باغي يدير.
اليوم غ نبداو بالسيد سعيد عبد المكلف بالنظافة بما فيها نظافة الشواطيء ومسؤول ايضا على الانارة ، في تدخلو قال وبالحرف : "الجماعة لم تخل بواجبها في ميدان النظافة في لبحر.. وان هاذ العام ناس كاع شهدات باللي البحر هاذ العام مختلف على السنوات الفارطة) كلام جميل ، النظافة ندوزوها فعلا كانت النظافة، ايه اسي المكلف كتقول ناس كاع شهدات باللي البحر هاذ العام كان مزيان ومختلف على السنوات اللي دازت وان الجماعة دارت الواجب تاعها ، باش ؟ بالدليل والشكايات تاع المصطفينم ل محمدية بريس .....
حشومة يتقال هاذ لكلام قدام مسؤولة المدينة في اول زيارة ليها للمجلس هذا را بهتان ، عيب ، الحقيقة تاع شواطيء المحمدية هاذ العام استنكرها كل من جا عام فيها وندم ، عيب المراحيض ماتفتحوش ، عار الدوشاش ماخدموش ، حشومة لكذوب قدام مسؤول .
نتلاقاو غدا في جوج كلمات


للعودة لماجاء في التصريحات الكاملة للمصطافين في روبرطاجين انجزتهما محمدية بريس كل في تاريخ خلال الصيف الذي ودعناه
حيث اجرت محمدية بريس الروبرطاج الاول بتاريخ 1 يوليوز 2012 اضغط هنا لمشاهدته
وبعد 14 يوما بعدما لم يحرك المجلس البلدي ساكنا فيما يخص تشغيل المراحيض والدوشات بالشواطىء
نزلت محمدية بريس لاستجواب جديدمع مصطافين جدد بتاريخ 15 يوليوز 2012 اضغط هنا لمشاهدته



لمن فاتته مشاهدة حلقة امس من اللقاء اليومي : جوج كلمات يرجى الضغط هنا
ولمشاهدة باقي الحلقات الماضية يرجى الرجوع الى القائمة الرئيسية
بالموقع والضغط على فقرة جوج كلمات