رغيفة معسلة

هادي رغيفة معسلة فالفران كنوع من التغييرخديتها من اللقاء المفتوح
المقادير
مقادير العجينة:
كيلو فورص
ملح
ملعقة كبيرة سنيدة
خنيشة الفاني
شوية الخميرة معجونة
للتزين:
50غ زبدة رطبة
رابعة سنيدة
بيضة للدهن
نعجنو العجينة عادية بالما دافي كنخليو ها ترتاح شوية ..كنعملو منها 18 كريصة ..كناخدو لاطة ديال الفران كندهنوها بالزيت ..ناخدو الكرصة الأولى كنسرحوها مزيااان ونوضعوها فاللاطة وندهنوها بشوية الزبدة كلها ونرشوها بالسنيدة.. وناخدو الكرصة الثانية حتى هي نسرحوها ونحطوها فوق الكرصة الأولى وندهنوها بشوية الزبدة والسنيدة وناخدو الثالثة نفس الشيئ حتى نعملو 8 كرصات .. تم كناخدو الكرصة التاسعة نسرحوها مزيان ونلمطو بها الثمان كريصات .
نعملو نفس الشيئ بالنسبة للكريصات التسعة للي باقين .
كنحصلو فالأخير على 2 خبزات كنخليوهم يخمرو 15د الى 20 د تم كندهنوهم بالبيض وندخلوهم للفران


الحقوق محفوظة لمحمدية بريس

ترقبو مع كريمة الرملي في الوصفة القادمة الكيكة لمنمرة