طفولتي مع ابن سيناء …وغير بيع أ أخنوش

مستشفى ابن سيناء من عاصمة المملكة المغربية اتذكر تلك السنوات الماضية التي زرتها مرارا وتكرارا لبعض مستشفيات الخزي والعار في وطننا العزيز .
سبق وأن ذهبت لابن سيناء ولنا في نعومة طفولتي ،وعند سماعي ان احد الدكاترة في تطوان اقترح هذا الاقتراح على أن هناك دكتورا اسمه (جزار مثله) ،هو الوحيد الذي يستطيع تشخيص الحالة و هو الذي يمكن ان يقوم بالعملية وعلى لسانه ،ستنجح ،لأن الجزار صديق الجزار ،قال هو من خريجي الجامعات الفرنسية وله في طب العظام تاريخ .
وبما انني متشوق ان ارى هذا الدكتور وكذلك وبما ان الكل يمدح مستشفى ابن سيناء لانه يقع في العاصمة، وذاك التمجيد و التعالي ب تاريخ (سيناء) وعاصمة المغرب .
كنت جد متحمس لهذا الواقع ،الوسخ القذر الخالي من الإنسانية.
بمجرد يعرفوك جاي من الشمال ومن تطوان ،تصبح المعاملة وكأنك لا تنتمي للمملكة المغربية، وهذا الواقع عشته شخصيا ولا يجي شي حد يقولي كلام او علان ،لأنه مرسوم في ذاكرتي .
الكل يدعي الفنطجية والتكبر حتى الممرضة تتعامل معك بأسلوب وكأنك في (طوبيس) . الدكتور الجزار الخريجي من فرنسا ، كأن يحسب راسو من عالم آخر، نقاشات و كلام ،و توجيهات وفي الاخير يقليك…وا سيرو،(خلصوا) المبلغ ديال السرير ،وكأنك داخل الاوطيل، وثمنوا ديال 5 د نجوم .
من تطوان إلى رباط ومن رباط إلى تطوان وياه ،وهذا الواقع. ،يعني بلا منقلك اذا كنتي عندك مدخول اللي يخاليك تعيش غير بين تطوان و المضيق ،بلا ما تفكر تمشي وتجي ما علينا هذا كلام اخر .
كيف يعقل ،انت عندك التشخيص ديال دكتور ديالك او الجزار اللي في تطوان ،ب سكانير و كلشي ،ومعاودين 70 مرة . في ابن سيناء ،قالك ا سيدي خصك تعاود كلشي من جديد وياه من سكانير إلى حتى طبيب د العاينين، باش يتاكدوا واش كتشوف واش عوار وهذا غير تعبير مجازي فقط . مع العلم كلشي عندك و معاود 70مرة .
وقعتلي واحد الحديثة في بن سيناء ،عمري ما ننساها في حياتي وعليها كنكره المستشفيات المغربية سواء بريفي او العمومي اقسم بالله كلهم كيف كيف . واحد نهار من ايام د الله ، البيت اللي كنت فيه ،كنا أربعة بينا في غرفة واحدة ،ودك الكاما رآها مخلصا بثمن 5دنجوم . مع 3 د صباح يعني كلشي ناعس. كلشي مع جنابوا، وفي دك الوقت كان في عمري 11 سنة .
واحد الممرضة اللي المفروض عليها تكون انسانة اكثر انسانة بالانسانية ، جات قلبت البيت و طبقة كلها بالضجيج وو والسبب هو وحد السيد كان في عمرو مهم مع 30
مسكين كان مريض بالسرطان وبلا مندخل تفاصيل اللي كنت كنشوف حيت هداك موضوع اخر ….
السيد من مدينة مكناس وعلى ما اعتقد من عائلة محترمة ومن الطبقة اللي كتحاول تكون عايشا فدك البلاد، بحيث كانوا الممرضين وحتى دكاترة يتعاملوا مع عائلتوا بطريقة استفزازية ووو وهذا كلام اخر . السيد جاب ربي امنتوا فدك صباح ، وتما غادي نزيد نتصدم ما رأته عيناي وعمري غادي يمشيليا من بالي وخا يرجع المغرب جنة .دك الثعلب الناكر دي الممرضة، وانا كنسمعها بوذني ،باغيا تسمسر في السرير اللي يالاه مات السيد ،في نفس الدقيقة .
تم نقل المرحوم مسكين جاب الله العمار و راح في نفس الوقت انا فرحتلو حيت كان معذب مسكين وزادو عذبوه وحتى عائلتوا ماشي سهلا من مكناس إلى الرباط مهم هذا كلام اخر …
الممرضة الخنزا العقلية الموسخا، بغات سرير اللي انا فيه ،باش وحد السيد طالب السرير اللي انا فيه ،وهنا المفاجأة الكبرى الخانزا، كتشوفني مزال صغير ،وشافتني شوفت الميت دواه حدايا للثلاجة … بغات في دك الساعة نمشي ل سرير د المرحوم ،في نفس الساعة اللي دواه للثلاجة .
و انا نبكي و نغاوت حيت 4د صباح او اكثر وهي و الللي معاها يبززوا عليا . غير هو من صغري مكنسمحش فقي من صغري … المهم بعد غدا جات الأخت ديالي والزوج ديالها… قلتهم شني وقَعلي مهم بحكم حنا دولة ديال المحسوبية والزبونية وعطي دراهم وعمل اتصالات فلان و علان ،داغيا يرجعوا عندهم وجه اخر
يعني النفاق الاجتماعي هو منذ زمان في المغرب ماشي اليوم عاد .
والمشكلة في الاخر تسمعهم يهضرو في الدين والإنسانية و الخ تقول هنا نبات وهما وما أكثرهم يشخصون الحالات على حسب هواهم وغير بغيت نختصر شويا و رسالة لدوك اللي يقدسوا سيادهم شوف يمكن من عائلتك يكونو ناس فقراء جدا ،ويمكن يكونو ناس محتاجين بزاف، ويمكن يكونو ناس مقصيين من الحياة الفقر ماشي عيب ،وحتى حاجة ما فيها عيب العيب في الفكر الهماجي والفكر الحاقد والفكر المتكبر والفكر السلطاوي القمعي والفكر الكراهية والحقد.
حتى لل أطيل عليكم شفت الديناصور الدكتاتوري صاحب المصالح الشخصية والطبقة الفرعونية حيت يبيع الاكسيجين… ابن سيناء ،المستشفى التي توفي فيها الراحل الحسن الثاني رحمة الله عليه وعلى كل من مات ولم يبقى معنا في هذه الأرض السعيدة في الكرة الأرضية.
ولا تحكم على كلشي ،ولا تحكم على الوقت … اليوم هنا وغدا شكون عراف . والله يجعل البركة في النصارى الاسبان ، الإنسانية الحاقة وبدون ملين يعني ولا سنتيم يعني كلشي باطل( مجاني)
Hospital sant pauوبحث شكون هو هذا المستشفى
وانتهى الموضوع.