نايضة فأسفل ترتيب البطولة.. طنجة ربحات خريبكة وشعلات الصراع على البقاء

زادت شعلات في مؤخرة ترتيب البطولة الاحترافية من بعدما ربح فريق اتحاد طنجة الضيف ديالو أولمبيك خريبكة، في قمة أسفل الترتيب برسم الدورة 23.
وسالا الماتش بين اتحاد طنجة وأولمبيك خريبكة بالتيران الكبير ديال طنجة بنتيجة 3 لزيرو، وماركا أهداف الطنجاويين كل من محسن متولي في الدقيقة 9، وزاد زكرياء بلمعاشي الهدف الثاني في الدقيقة 47، جاميلو أتشباو ماركا الهدف الثالث في اللحظات الأخيرة.
الرباح ديال اتحاد طنجة شعل المنافسة في أسفل ترتيب البطولة بين الفرق اللي كتبحث على البقاء بالقسم الأول، والطنجاويين وصلو على أولمبيك خريبكة وكل فريق عندو 17 نقطة، وقراب من الدفاع الحسني الجديد اللي عندهم 22 نقطة ومولودية وجدة اللي عندهم 23 نقطة وشباب المحمدية اللي عندها 24 نقطة.