التخلف بعينه.. إيران كحلة بحال داعش: كيبلانيو يديرو كاميرات فالشارع باش يقابلو شكون دايرا الحجاب وشكون للي محيداه

أفاد موقع" الغارديان" أن البوليس فإيران كيبلانيو يديرو كاميرات ذكية باش يشوفو شكون للي ملابساش الحجاب فالشارع.
Ad
00:00
/
00:36
Ad ends in 36s
وأضاف الموقع أنه كاين بيان كيقول إن البوليس غياخد إجراءات باش يحدد هوية الأشخاص اللي كينتهكو قواعد اللباس بواسطة كاميرات ذكية فالشوارع والأماكن العامة، ومن بعد غايسيفط رسائل الإثبات والتحذير لمنتهكي قانون الحجاب باش يبلغوهم بالعواقب القانونية لتكرار هاد الجريمة.
وفهاد الإطار قال قائد الشرطة الإيرانية، أحمد رضا رادان ، فمقابلة مع التلفزيون الحكومي، إنه من السبت الماجي، غيوليو يعرفو شكون حيدات الحجاب فالأماكن العامة بواسطة الكاميرات، وأضاف رادان، أنه غايتم تحذيرهم أولا وتقديمهم للمحاكم كخطوة تالية".
وقال إنه حتى صحاب الطموبيلات غايتلقاو تحذيرات إلى شي وحدة من الركاب معاهم خالفات قواعد اللباس، وغيتم حجز طموبيلاتهم إلى تكررات المخالفة.
وحسب نفس المصدر، غير الأسبوع الفايت، تنشر مقطع فيديو على وسائل التواصل الاجتماعي فيه راجل كيخوي الرايب على جوج دالعيالات حيث ملابسينش الحجاب، واللي تشدو من بعد على قبل الحجاب.
https://www.theguardian.com/world/2023/apr/08/iranian-police-plan-to-use-smart-cameras-to-identify-violators-of-hijab-law?fbclid=IwAR1nJeoOFPDFhValay0eLU8CsHkN8ZzI-v4Qn31aQPWIONAK9g4nXiKtQDs