لقجع: مديرية حدقة سطوب والعصب دابا يجيبو واحد من الننكليز ولا من سويسرا راه ماشي مقبول حكم يغلط وأنا والجامعة نتحملو المسؤولية

عبر فوزي لقجع رئيس الجامعة الملكية المغربية لكرة القدم على الغضب ديالو جراء الاحتجاجات اللي كانت مؤخرا، على التحكيم والوضع اللي وصل ليه، وأكد أنه ماشي مقبول أن حكم يغلط ورئيس الجامعة هو اللي يتحمل المسؤولية فالوقت للي خاص المديرية المركزية للتحكيم اللي تم حلها، هي اللي تكون مسؤولة.
وقال فوزي لقجع، خلال اجتماع المكتب المديري للجامعة الملكية المغربية لكرة القدم: "ما يمكنش تبقى واحد المديرية كتشتغل وأنا شخصيا ما عمرني طلاقيتهم كنطلقاهم مرة وحدة فمدة 6 أشهر وملي واحد الحكم يسفر توش فشي بلاصة ماشي هي هاديك، الجامعة هي اللي تحمل المسؤولية ورئيسها وهذا غير ممكن وغير مقبول".
وأكد فوزي لقجع: "الجامعة الملكية المغربية لكرة القدم غانخليو لها الاختصاصات ديالها والعصب غانخليو لهم الاختصاصات ديالهم كاملة راه دابا كيعطيو لفلوس للفرق ويكملو على البرمجة، والمديرية ديال التحكيم اللي كنت درت فيها يحيى حدقة سطوب، وحتى لجنة الحكام اللي فيها جمال الكعواشي نحلوها، والعصب يجتامعو يجيبو واحد من الننكليز وللا سويسرا يجتمعو ويقررو والجامعة راه غتبقى مقابلة الاختصاصات ديالها".