مرة أخرى.. أعطاب وثقل فموقع جامعة الكرة بسبب الإقبال على شراء تذاكر ماتش المغرب والبرازيل

كيطيح الموقع الرسمي ديال الجامعة الملكية المغربية لكرة القدم منذ انطلاق عملية بيع الدفعة الثانية من تذاكر ماتش المغرب والبرازيل الودي، وفيه أعطاب متكررة بسبب الضغط اللي على هاد العملية، لي انطلقت مع 5 لعشية من اليوم الاثنين.
عدد من المتتبعين للموقع الرسمي ديال الجامعة الملكية المغربية لكرة القدم، ملي كيدخلو يبغيو يتصفحو الموقع أو يشريو التذاكر، كيلقاو الموقع ما خدامش أو ثقيل بزاف أو كيتطلب منهم يشدو الطابور وهذا الأمر خلف تدمر وغضب كبير من طرف عشاق المنتخب المغربي اللي باغين يحضرو الماتش ضد البرازيل.
للإشارة فعملية بيع الدفعة الثانية من تذاكر ماتش المنتخب الوطني المغربي والبرازيل الودية اللي غتقام يوم 25 مارس الحالي، انطلقت مع الخامسة ديال هذه العشية، ونفس السيناريو اللي كان فبيع الدفعة الأولى الخميس الماضي حيث كاينا أعطاب وثقل كبير وضغط على الموقع.