كشفات مصادر مطلعة ل " كود " ان فرقة امنية مكونة من ضباط الشرطة القضائية ومدعومة بعناصر من المخابرات الداخلية حلت شوي دبا بمدينة الدروة باقليم برشيد، من اجل مواصلة التحقيق في قضية بوليسي الرحمة لحرقوه فحد سوالم . مصادر ذاتها قالت ،ان عناصر الكموندو جاء الدروة وقف على سيارة سوداء اللون بحي البلوك بالدروة يشتبه استعمالها فهذه الجرامية النكراء التي هزت الراي العام الوطني ،بحيت تضيف المصدر ان المصالح الامنية لازالت مرابطة فمكان تواجد السيارة وكذا التحقيق مع صاحبها . والبارح منين لقاو البوليس الطوموبيل "golf5" ديال البوليسي الضحية وشاعلة فيها العافية فسوق الاحد فبوسكورة، بدات كتبان علامات اخرى لي كتبين ان الموضوع عندو علاقة بجريمة منظمة وميمكنش بتاتا تكون جريمة عادية. وقالت المصادر نفسها. ان التحقيقات التي باشرتها عناصر الضابطة القضائية المكلفة بالتحقيق والمخابرات الداخلية وقفات على أن العدد ديال لي نفذو هاد العملية هما اكثر من أربعة ديال المجرمين.
