منذر الكبير: الرجاء غتدخل تربح حوريا كوناكري اللي صبح من كبار إفريقيا

أكد منذر الكبير مدرب الرجاء الرياضي أن الفريق غيدخل باش يربح الماتش ديالو ضد حوريا كوناكري الغيني غدا السبت فستاد دونور بكازا، باش الفريق يؤكد الانطلاقة القوية ديالو فليكروب ديال عصبة أبطال إفريقيا.
وقال منذر الكبير فالندوة الصحافية قبل ماتش الرجاء الرياضي وحوريا كوناكري:"مطالبين بتحقيق الفوز على حوريا كوناكري لتأكيد بدايتنا القوية في دور المجموعات، الفريق الغيني محترم بزاف وراه صبح من كبار إفريقيا وخاصنا نكونو مزيانين من جميع النواحي باش نربحو".
ويتوفر الرجاء الرياضي على 6 نقاط وكيتصدر لكروب 3، وكيقلب الفريق على رباح جديد و3 بوان جديدة يزكي بها صدارتو للمجموعة ويقرب بها من التأهل لربع النهائي.