عامين ديال الحبس لمهربين حرگو مغاربة بالجيت سكي بين المغرب والصبليون

albayancom0@gmail.com
قالت تقارير إعلامية، Yن محكمة سبتة أدانت، مؤخرا، 4 ديال المهربين متورطين فتنظيم عمليات للحريگ بين السواحل المغربية وإسبانيا عبر الدراجات المائية بعامين ديال الحبس، بعد ما اعترفو بالوقائع المنسوبة ليهوم.
وأضافت التقارير ذاتها، أن التحقيق فهاذ الجرائم بدا ف 2020، وتمت متابعة المتهمين من أجل ارتكاب جريمة ضد حقوق المواطنين الأجانب وتعريض حياة مهاجرين للخطر. ومزال شخص خامس مبحوث عنه بعد عدم مثوله أمام المحكمة.
وفي غشت 2020، نشر موقع "إل فارو دي ثيوثا" مادة إخبارية على الريزوات ديال الحريگ بالجيت سكي وكيفاش كيحرگو الدراري فالنهار بين المغرب وشبه الجزيرة الإيبيرية وبالضبط فالمنطقة الساحلية بين طريفة والجزيرة الخضراء اللي سميتها گوادالميثي.
الموقع الإسباني نشر فيديو كيوثق لمشاهد مباشرة لبزاف ديال الجيتسكيات خدامين كيحرگو ف البشار واللي كيوصل كيعطيها للجري. وأضاف "إل فارو دي ثيوثا" أن ثمن هاذ المغامرة كيوصل 3000 أورو، وتقريبا هاذ الريزوات كيخدمو مزيان فالصيف وكيحرگو كثر من 20 شخص يوميا واذا حصلو وسط البحر يقدرو يلوحو الحراگة باش يفلتو..