جوج فبني ملال جابو الربحة!... بغاو يقلبو على كنز خرجو في كرانادات داوهم الحبس

واحد الواقعة غريبة وقعات فبني ملال مؤخرا، البطل ديالها واحد خاينة شك بلي عندو فدارو واحد الكنز، ومشا عايط لصاحبو باش يعاونو يخرجو هد البركة ويتقاسموها.
وبالفعل جابو الدوزان وبداو يحفرو ولكن خرجو فواحد الكنز ديال بصح لي غايرسلهم للحبس، فكانت المفاجأة ديالهم هي أنهم لقاو جوج قنبولات صغار (كرنادات) من أيام الاستعمار.
السيد تصدم وبلغ البوليس لي جاو للحي وتاصلو بفرقة من الثكنة العسكرية ديال تادلة، ومشطو المنزل، وحجزو على دوك الكرنادات، وشدو دوك الجوج، مول الدار وصاحبو، وقدموهم للمحكمة لي عطاتهم شهر نافد ديال الحبس لكل واحد. فيما قامت مصالح الأمن والعسكر بتفجير الكرنادات في مكان خال.
ماشي ديما الكنز يربَّح مولاه، يقدر يغرقو فالحبس.