بوليس سبتة شدو ثلاثة ديال الحراگة مخبعين فكاميو.. واحد منهوم ديما كيتشد

بوليس سبتة شدو لبارح لخميس ثلاثة ديال لمغاربة ماشيين حارگين فوسط كاميون كان متوقف لثلاثة أيام فالميناء.
البوليس قال أن تفتيش روتيني طيح لمغاربة لي كانوا مخبعين، حيث تم ايقافهم وتحرير محضر في حقهم، ثم ترحيلهم للمغرب.
وأضافت الشرطة أن واحد من الثلاثة ديما كيحصل بنفس الطريقة، ولحد الساعة سجلو ليه ربعة ديال المحاضر، هذا جاب السكور درقم غينيز فالنحس وخرج على جوج الاخرين لي كان يفلتو كون ماركبوش معاه.