إنفانتينو: موندياليتو "المغرب 2022" استاضفو الشعب المغربي الزوين وهاد النسخة غتبقى ديما فبالنا للأبد

عبر السويسري جياني إنفانتينو على الإعجاب ديالو بنسخة كأس العالم للأندية "المغرب 2022′′، اللي احتصنتها المملكة المغربية ما بين 1 و11 فبراير الجاي، والأجواء اللي خلقتها الجماهير المغربية فيها.
وخرج جياني إنفانتينو يبارك لريال مدريد الإسباني التتويج بكأس العالم للأندية اللي ربح اللقب ديالو على حساب الهلال السعودي فالفينال، وفنفس الوقت أكد نجاح الموندياليتو بطنجة والرباط.
وقال رئيس الفيفا فأنستغرام ديالو: "كنهنيو ريال مديد على الفوز بكأس العالم للأندية، والهلال على الوصول إلى الفينال، وراه كانت بطولة رائعة استضافها الشعب المغربي الجميل، وغتبقى فبالنا حتى الأبد".
للإشارة فجياني إنفانتينو رئيس الفيفا فرحان بزاف بالحضور ديالو للمغرب، وعاجبو الحال وملي وصل الأربعاء الماضي وهو كيتلقى بشخصيات مغربية معروفة على رأسها فوزي لقجع ولعبو مباريات استعراضية فالرباط.