أنشيلوتي: أنا فرحان بالمغرب والمغاربة قدرونا وكبرو بينا وغادي نمشيو ناشطين

عبر الإيطالي كارلو أنشيلوتي مدرب ريال مدريد الإسباني، على الإعجاب ديالو بالمغرب والأجواء اللي خلقتها الجماهير المغربية خلال مشاركة الفريق ديالو فكأس العالم للأندية "المغرب 2022".
وكشف كارلو أنشيلوتي مدرب ريال مدريد فتصريح له بلي عجبو الحال فالمغرب وقال: "دوزنا وقت زوين فالمغرب كلشي هنا كيحتارمنا والمغاربة كيقدرونا".
وأكد كارلو أنشيلوتي اللي قاد ريال مدريد للفوز بلقب جديد من خلال التتويج بكأس العالم للأندية: "حنا فرحانين حيث كاينين فالمغرب وغانمشيو فحالنا فرحانين".
وكان ريال مدريد الإسباني ربح البارح اللقب الخامس له فكأس العالم للأندية من بعدما فاز على الهلال السعودي بنتيجة 5 مقابل 3 فالفينال، اللي تلعب فتيران مولاي عبد الله بالرباط.