مزيانة للوداد.. بيترو أتلتيكو وشبيبة القبائل سالاو تعادل

غيتكون عند الوداد الرياضي فرصة كبيرة باش يبدا دور مجموعات عصبة أبطال أفريقيا وهو متصدر المجموعة الأولى، بشرط يربح شبيبة القبائل الاسبوع المقبل.
وتعادل فريق بيترو اتليتيكو الانغولي مع شبيبة القبائل اليوم السبت فانغولا بنتيجة زيرو لزيرو فالجولة الأولى من دور مجموعات دوري أبطال إفريقيا، وبالتالي خدا كل فريق منهم نقطة.
وفحالة ربحت الوداد شبيبة القبائل فالماتش الجاي بالجزائر فالفريق غتكون عندو 3 نقاط، والفرص ديالو فتصدر المحموعة 1 غتكون كبيرة ما يعني انطلاقة جيدة للفريق اللي هو مرشح الأول باش يتأهل من هاد لكروب أما بيترو أتلتيكو الانغولي وشبيبة القبائل الجزائري وفيتا كلوب فمرشحين يتنافسو على المركز الثاني بالمجموعة.