كواليس اغنية الموندياليتو.. الفنان العالمي ريدوان: التامغرابيت هي لي كتحركنا وحتى اغنية مونديال قطر راه مغاربة لي غناوها – فيديو

البارح 7 فبراير تدارت ندوة صحفية على أغنية الموندياليتو "ويلكوم تو موروكو"، وكان حاضر المنتج المغربي ريدوان، أمينوكس، ريم فكري و نعمان بلعياشي و فنانين اخرين عبر تقنية التناظر المرئي، ولي هوما ديزي دروس، حاتم عمور و دوزي.
فهاد الندوة عاود ريدوان على الطريقة كفاش جاتو الفكرة ديال أنه يدير أغنية على الموندياليتو و كفاش خرجت للوجود. و قال أنه فمونديال قطر طلب منو رئيس الجامعة الملكية المغربية لكرة القدم فوزي القجع باش يدير أغنية للمغرب.
وزاد ريدوان أنه حتى جياني انفانتينو رئيس الفيفا سولو واش غادي يدير أغنية على قبل الموندياليتو.
من بين الأسئلة ديال الصحفيين، كان سؤال علاش الأغنية ماخرجاتش فالوقت المناسب لي هو نهار الإفتتاح. كان الرد ديال ريدوان هو أنه الفكرة جات معطلة و ماكانش عندو بزاف ديال الوقت باش يكتبها و يوجدها و أيضا حيت المغنيين لي شاركو فهاد العمل كل واحد فيهم كان عندو الإلتزامات خاصة.
فالندوة حاولو الفنانين ميبينوش داكشي لي طاري بيناتهم، ولي نشراتو "گود" بخصوص المشاكل لي كانت فالكواليس ديال هاد الأغنية.
و فنفس السياق قال أمينوكس: {حنا براسنا تفاجأنا منين شفنا هاد الأخبار فالميديا, هادشي معندوش علاقة بالواقع و الفنانة كانو مرتاحين فهاد العمل.
وزاد ريدوان " العمل عندو علاقة بالوطن، وحتى حاجة مكتبقا قدام حب الوطن...