سفيان أمرابط حضر ماتش البارصا وخيتافي

الدولي المغربي سفيان أمرابط نجم فيورنتينا الإيطالي، كان حاضر البارح الأحد فماتش البارصا وخيتافي فبطولة إسبانيا فالتيران.
وحسب موقع "relevo" فسفيان أمرابط كان حاضر فتيران "كامب نو" وكان كيتفرج فماتش البارصا وخيتافي ومخبي راسو بقبعة وشال، باش ميعرفو حتى شي حد من الجمهور اللي كان فالتيران، ولكن كانوا شي مشجعين تعرفوا عليه.
نفس المصدر أكد أن التواجد ديال النجم المغربي فالماتش ديال البارصا ما عندو علاقة بالفريق أو إمكانية أنه ينضم له، وأن سفيان أمرابط كان فإسبانيا على قبل شي غرض شخصي، وجا تفرج في الماتش.