ناس القصر الكبير رحبو بحكيمي ودارو ليه استقبال كبير والنجم المغربي كلا البيصارة

خلق الاستقبال اللي دارت مدينة القصر الكبير للنجم المغربي أشرف حكيمي، الحدث اليوم الثلاثاء، خصوصا وأن ناس المدينة والمسؤولين ديالها خرجو كاملين يرحبو به.
وعلى هامش تدشين أشرف حكيمي لتيران ديال كرة القدم بالقصر الكبير مدينة الأم ديالو، كيحمل اسمو، تناول نجم المنتخب المغربي وباريس سان جيرمان الفرنسي وجبة الغذاء فالمدينة.
أشرف حكيمي والعائلة ديالو كلاو أكل مغربي شمالي بامتياز فيه جدي مبخر، وبصطيلة ديال الحوت والشلايد، ولكن الأكلة اللي خطفت الأانذار هي البيصارة، واللي حتى هي تحطات لحكيمي باش يدوق منها ويتمتع بالمذاق ديالها، مع العلم أن البيصارة كتعتبر وجبة رئيسية وأساسية فالقصر الكبير، وعكس بزاف ديال الاعتقادات فناس الشمال كاملين كيضربو البيصارة فقراء وأغنياء.