جمهور الكاك بان واعر وحرج المسؤولين ديال قنيطرة

خلقت جماهير النادي القنيطري الحدث مرة أخرى ووضعت المسؤولين ديال الفريق فموقف محرج ومعهم المسؤولين ديال مدينة قنيطرة، حيث المستوى ديال الجمهور كبير بزاف على أنه يعيش مع فريق فأقسام الهواة.
وفالماتش اللي بدا قبل لحظات من هاد لعشية فالتيران البلدي ديال قنيطرة ما بين الكاك واتحاد سيدي قاسم، عمرات الجماهير القنيطرية بقيادة الترا "حلالة بويز" التيران، وخالقة احتفال فالمدرجات فحال اللي كتدير جماهير الوداد والرجاء، والمشهد كيشبه للملاعب الأوروبية وديال أمريكا اللاتينية، واللي شاف جمهور النادي القنيطري ما يقولش أن هاد المشجعين ديال فريق كيلعب فالهواة.
هذا المشهد الجديد والزوين ديال جماهير النادي القنيطري خلف بوليميك بسرعة على مواقع التواصل الاجتماعي، وحرج بزاف المسؤولين بمدينة القنيطرة، حيث بزاف ديال المتتبعين كيشوفو أن النادي العريق هو ضحية لتطاحنات الأحزاب السياسية فالمدينة والمصالح الشخصية.