آسفي شمتو حسنية أكادير بهدف قاتل ونقزو فالترتيب

حقق فريق أولمبيك آسفي رباح مهم على حسنية أكادير اليوم السبت فتيران أدرار بأكادير، ضمن الجولة 11 من منافسات البطولة الاحترافية لكرة القدم.
وفالوقت اللي كلشي كان كينتذر فيه الماتش يسالي بنتيجة التعادل زيرو لزيرو ما بين حسنية أكادير وأولمبيك اسفي، قدرو المسفيويين يخطفو الرباح بهدف قاتل فالدقيقة 90 عن طريق شيخنا ساماكي.
وبهذا الرباح رفع أولمبيك آسفي الرصيد ديالو إلى 19 وقفز فترتيب البطولة إلى المركز الثاني، أما حسنية أكادير فزادت تعقدت الوضعية ديالو والفريق السوسي كيحتل المركز 11 برصيد 12نقطة.