المغرب والبرتغال من التشكيلات المثالية فثمن نهائي المونديال قبل ما يلعبو الربع

عرفت التشكيلة المثالية لدور ثمن نهائي كأس العالم قطر 2022، حضور قوي لكل من المغرب والبرتغال واللي غادي يلعبو ضد بعضهم فربع نهائي البطولة السبت الجاي.
وكان نصيب المنتخب الوطني المغربي فالتشكيلة المثالية ديال ثمن نهائي المونديال من بعدما تفوق بالبيلانتيات على إسبانيا، هو تواجد 3 ديال اللعابا وهم الحارس ياسين بونو، والمدافع نايف أكرد، والمحارب فوسط التيران سفيان أمرابط.
وبخصوص المنتخب البرتغالي اللي ربح سويسرا فثمن نهائي المونديال بنتيجة 6 لواحد، فحتى هو كان النصيب ديالو فالتشكيلة المثالية ديال هاد 3 اللعابا، وهم المهاجم راموس اللي ماركا 2 أهداف فالماتش، والظهير الأيسر كيريرو واللي ماركا هدف، والمدافع بيبي اللي حتى هو سجل هدف واحد على سويسرا.
وجا فالتشكيلة أيضا، كل من الهولندي دومفريس، والنكليزي بينينكهام، والبرازيلي باكيتا، الأسطورة الأرجنتينية ميسي، والفرنسي المتألق مبابي