من بعدما غاب ضد بلجيكا بسبب الدوخة.. بونو حضر تدريب المنتخب وها كيفاش دازت عندو الحصة

كتعرف الحصة التدريبية ديال المنتخب الوطني المغربي اللي بدات فهاد اللحظات فالعاصمة القطرية الدوحة إستعدادا لماتش كندا، مشاركة لكول ياسين بونو اللي ما لعبش البارح ضد بلجيكا بسبب الاصابة.
ودخل ياسين بونو اليوم مع اللعابا الاحتياطيين واللي ما لعبوش البارح وبدا كيتدرب معهم بالكرة بشكل عادي وهادشي كيأكد بلي ولا بخير، وغادي يكون حاضر فالماتش الجاي ضد كندا، وبالمقابل فاللعابا اللي لعبو الماتش البارح ضد بلجيكا ومنهم لكول منير المحمدي دارو تدريب خفيفة باش يحيدو لعيا.
وكان ياسين بونو حس بالدوخة البارح ملي بغا يلعب مع المنتخب الوطني المغربي ضد بلجيكا وحضر لعزف النشيد الوطني وخرج ما لعبش الماتش ودخل بلاصتو منير المحمدي ومن بعد منها أكد عبد الرزاق هيفتي بلي بونو بخير وغادي يكون واجد ضد كندا، فالوقت اللي قال الناخب الوطني وليد الركراكي بلي بونو كان موعت من ماتش كرواتيا.