اللعابا ديال المغرب غادي يزورو تيران الماتش ضد بلجيكا

غادي يمشي المنتخب الوطني المغربي غدا السبت لتيران "الثمامة" فقطر اللي غادي يلعب فيه الماتش ضد بلجيكا نهار الأحد الجاي، فالجولة الثانية من كأس العالم 2022.
الطاقم التقني بقيادة وليد الركراكي واللعابا ديال المنتخب الوطني المغربي غادي يديرو زيارة لتيران "الثمامة"، اللي بعيد تقريبا بمسافة 10 كيلومتر على الدوحة عاصمة قطر، باش يتعرفو عليه ويشوفو أرض الملعب كيف دايرا قبل من الماتش ضد بلجيكا.
وماغادش يتدرب المنتخب الوطني المغربي فالتيران ديال الماتش حيث الفيفا مانعة هادشي، ومن بعدما يزورو اللعابا تيران "الثمامة" غادي يمشيور لتيران الدحيل يديرو آخر حصة تدريبية قبل من الماتش ضد بلجيكا، وهي حصة غادي تكون مفتوحة لوسائل الإعلام.