المنتخب المغربي غادي يرجع يتدرب فقطر من بعدما ربح جورجيا

من المنتظر يدير المنتخب الوطني المغربي حصة تدريبية اليوم الجمعة فقطر، اللي رجع لها من بعدما سالا الماتش أميكال ديالو ضد منتخب جورجيا البارح.
وبرمج الطاقم التقني للمنتخب الوطني المغربي بقيادة وليد الركراكي حصة تدريبية اليوم الجمعة مع 6 العشية فالدوحة، وهي الحصة اللي غيكون فيها التركيز على الجانب البدني باش يحيدو لعيا ديال الماتش من اللعابا، ويرفعو من لافريشور ديالهم حيث بان عليهم الإجهاد فالماتش البارح.
وكان المنتخب الوطني المغربي رجع بات الليلة اللي فاتت فقطر من بعدما سالا الماتش ضد جورجيا واللي ربحو بنتيجة 3 لزيرو، حيث فضل الناخب الوطني وليد الركراكي يرجعو اللعابا نيشان من الإمارات للدوحة.