كأس العربي غادي يرجع والاتحاد العربي كيوجد باش يعلن على موعد البطولة والاسم ديالها

من المنتظر يطلق الاتحاد العربي لكرة القدم نسخة جديدة من كأس العرب ديال الفرق، من بعدما توقفت البطولة لمدة عام، وكانت أخر نسخة كتحمل إسم الملك محمد السادس والرجاء الرياضي هو اللي ربح اللقب ديالها فصيف 2021.
وكشف رجاء السالمي أمين عام الاتحاد العربي لكرة القدم ملي سنا مع واحد السبونسور اللي غادي يتكلف بالبطولة، بلي غادي يكون فالقريب الإعلان على كاع التفاصيل الخاصة بالنسخة الجديدة ديال البطولة الأندية العربية، وغادي تم تدشين هويتها فمؤتمر صحافي.
ومن المنتظر يوجه الإتحاد العربي ديال كرة القدم الدعوة الرجاء والوداد باش يشاركو فكأس العرب إلى جانب فرقة مغربية أخرى، حيث الغريمين ديال كازا عندهم شعبية كبيرة وألقاب بزاف فالمغرب وفلافريك وحتى عربيا، وكيعطيو صورة زوينة للمسابقة وكيبقى أشهرها ديربي 4 ل 4 اللي تفرج فيه العالم.