مراد اشهر الروابة فالصبليون دار سهرة فكازا البارح. املاح ولمحمدي حضرو ليه وغاب عشيرو حكيمي -تصاور

البارح كانت حفلة لرابور ما معروفش فالمغرب بزاف ومشهور بزاف فالصبليون. هاد الرابور هو مراد. محيح فالجارة الشمالية واللغة خلاتو ما معروفش فبلاد كيموت عليها.
مراد رابور بنى اغانيه على اللي كيعيشو الاجنبي او الاسباني من اصول اجنبية. المشاكل مع البوليس مع الكوارديا سيڤيل مع النظام كولو. مقطع بزاف. كيغني على اللي كيعيشو جيل جديد فالاحياء الشعبية خاصة فالكوسطا ديل صول واخا هو باش وصل للصبليون عاش سنوات فكاتالونيا.
سهرة البارح اللي حيح فيها حضرها جوج من الاسود: لاعب الوسط سليم املاح والحارس منير محند المحمدي كجوي. ما جاش صاحبو اللي عزيز عليه النجم اشرف حكيمي