الجوكر مازال محيح.. شاد الطوندونس فالإيرادات للسيمانة الثانية

الفيلم الميريكاني “الجوكر” مازال هو الأول في سباق الإيرادات وشاد راس السوق ب55 مليون دولار في جوج سيمانات.
الفيلم لي داير حالة فالعالم كامل، حتى في المغرب القاعات السينمائية عامرة بزاف، وكلشي متعطش باش يتفرج فالفيلم لي ولا هو حديث الصحافة العالمية.
في الرتبة الثانية عالميا كنلقاو الرسوم المتحركة “آدامز فاميلي: ب30.3 مليون دولار، تابعو فيهم “جيميني مان” ديال ويل سميث.
وكانو البوليس في ميريكان تأهبوا بزاف ملي بدا الفيلم في السينيمات وكثرو من البوليس خوفا من انتشار العنف بسبب شخصية الفيلم المضطرب نفسيا ولي تعرض للتنمر وصعوبات فصغرو، وخافو القضية تنوض.
لي جسد البطل هو الممثل المريكاني خواكين فينيكس، والنقاد وصفو الأداء ديالو بالعبقري وفي نفس الوقت المرعب.