اش حرگ شطاطتو. بوليسي دار شرع يدو ومنع صحافي يصور مداخلة نقيب المحامين بالبرلمان – فيديو

ضابط أمن حسب ما عرف به راسو، منع صحافي "كود.ما" من تصوير جزء من مداخلة النقيب عبد الواحد الأنصار رئيس جمعية هيئات المحامين بالمغرب، بالقاعة 11 داخل مجلس النواب، وذلك خلال لقاء دراسي نظمته فرق الاغلبية حول مشروع قانون مالية 2023.
https://fb.watch/guCkZOtdr8/?mibextid=zXXBe0
وبرر الضابط بأن الصحافي لا يحق تصوير نقيب المحامين دون إذن. هاد الاجتهاد الغريب ماعرفناش فين جابو هاد الضابط لي تجرأ حتا حيد تلفون للصحافي. اه دار شرع يدو أمام البرلمانيين، كما يوثق فيديو "كود".
دبا هذا لقاء دراسي مفتوح للأعلام، و"كود" قبل ما تحضر سولات رئيس فريق برلماني من الأغلبية واش الحضور مفتوح للصحافة، فأجاب بنعم.
واش هذا اجتهاد ديال ضابط أمن كيف سما راسو، مع العلم أنه قدم راسو بعد ما ما منع الصحافي بمدة. قدم راسو فاش الصحافي مشا عند نقيب المحامين باش ياخد عندو تصريح، وقال الضابط للنقيب :"انا ضابط شرطة ممتاز، هذا صحافي ديال كود، كان كيصورك وحبست له تلفون قلت له ممنوع تصور".
اوا عرفتو باش جاوب النقيب لي كينتصر القانون والحريات، قاليه عطيتو الاذن يصورني. ماشي غير هكاك النقيب راه عطا تصريح مسجل ل"كود"، واكثر من ذلك باغي يعطي للصحافي المداخلة لي قراها فوسط اللقاء.