لاپيجي ديال سطات مزال تطيح فريزو ديال مقدمية وشيخ لي ناصبين على مواطنين ف54 مليون واصحاب الامتياز القضائي فهذا الملف غادي يتصنت ليهم الوكيل العام

وصل العدد ديال الموقوفين فريزز اعوان السلطة فسطات الى حدود عشية الأربعاء جوج مقدمية وشيخ حضري، فقضية نصب على العشرات من المواطنين فمبلغ كبير واصل 54 مليون سنتيم اودبا راهم تحت تدابير الحراسة النظرية بتعليمات من النيابة العامة المختصة في انتظار انتهاء التحقيقات .
مصادر ديال "كود " كشفات ،ان التحقيقات التي باشرتها عناصر ديال لاپيجي فولاية الأمن ديال سطات غادي تعصف بمجموعة من القياد لي ثارت اسمائهم فالبحث او غادي يتصنت ليهم الوكيل العام للملك بمحكمة الاستئناف فسطات على ود انه يتميزون بالامتياز القضائي بخصوص هذا الشي واش بصح او كذوب .
وقالت مصادر "كود" ان عدد الضحايا واصل دابا ل14 شخص فالحقيقة هاد الشي كيساءل بشكل مباشر رئيس قسم اعوان السلطة او باشا المدينة لانه هم لي خصو م يكون على علم بهاد للموضوع او دير خدمتو هم قبل متعود هذ لفضيحة حديث العام والخاص بمدينة سطات .