البيت الأبيض كيفكر يعرض مشاريع أيلون ماسك على الأمن القومي

إدارة البيت الأبيض كتفكر باش تخضع مشروعات الملياردير إيلون ماسك، الرئيس التنفيذي لشركة تسلا، لمراجعات أمن قومي.
وكالة بلومبيرغ للأنباء قالت إن المشروعات ديال أيلون ماسك لي غادي تخضع للمراجعة، هي صفقة شراء تويتر وخدمة ستارلينك للإنترنت عبر الأقمار الصناعية.
القرار ديال الإدارة الميريكانية جا بعدما استعمل ماسك في الآونة الأخيرة تويتر باش يعلن على مقترحات لإنهاء الكيرا بين روسيا وأوكرانيا.
ماسك الميريكاني ولي بلادو كتدعم أوكرانيا، كان قال إن خدمة الإنترنت ستارلينك في أوكرانيا ما غاديش يبقى طالقها لأجل غير مسمى فابور.
من بعد تراجع ماسك وقال إنه غادي يستمر في تحمل تكاليف الخدمة، ولي كتوفر الإنترنت عبر الأقمار الاصطناعية.
ومن غير هادشي، أيلون ماسك عارض التوجه ديال بلادو لي كتدعم استقلال التايوان على الصين، وقال إنه كيدعم السيادة ديال الصين على تايوان.