ها علاش ما لعبش عموتة أمين فرحان فماتش بركان

أكد الحسين عموتة أن مدافع الوداد الرياضي أمين فرحان جاهز من بعدما تعالج من الإصابة، وأنه كيتسنا الفرصة المناسبة باش يلعبو لذلك غاب على التشكيلة ديال الفريق فماتش بركان.
وكشف عموتة بعد نهاية ماتش الوداد وبركان أسباب غياب فرحان وقال: "أمين فرحان كيدرب بشكل سليم، كنتسناو له الفرصة باش يلعب حيث ماكانش ممكن نغمرو ضد بركان وندخلوه وهو باقي ما لعب حتى ماتش رسمي، اضافة إلى أن أرسن زولا والحسين بنعيادة دارو ماتش مزيان قبل أسبوعين ضد أولمبيك خريبكة".
وأكد الحسين عموتة أن أمين فرحان لاعب مهم بالنسبة له وللفريق الأحمر، وغيكون فوقت قريب فالتشكيلة ديال الوداد والفريق محتاج له.