بعد لمنور ولحلو: ها باقي اعضاء لجنة تحكيم "سطار نايت" اللي غادي يدوز ف"دوزيم"

"كود" عرفات باقي اسماء اعضاء لحنة تحكيم برنامج المسابقات الجديد ف"دوزيم" اللي غادي يكون اسمو "سطار نايت". بالاضافة الى النجمة اسماء لمنور والفنان نعمان لحلو٬ غادي يكون فهاد اللجنة كذلك لطيفة رأفت والدوزي بالاضافة الى شي حد اسمو امينوكس.
فالحقيقة هاد اللجنة خاصها دير اختبار لهاد امينوكس واش فيدو ماشي كحكم وكمغني عاد يكلمو. هادا ضعيف وما عندوش الخبرة بحال لخراين٬ .كانو يجيبو شي حد من الجيل الجديد مزيان.
وحسب ما علمته "كود" تقدر تكون اول حلقة من هاد البرنامج نهار 25 اكتوبر وغادية تدوز كل سبت. مختالفة عن "ذو فويس" و"گوتالنت" والبرامج الشهيرة. هادي غادية تكون فالمسابقة ومن لمغاربة وللمغاربة.
دابا تسجلات اكثر من حلقة وكلشي واجد ودار فاستوديو كلشي كيشكر فيه وكيهدر عليه