سفيان البقالي ربح سباق زيورخ

كيواصل البطل الأولمبي والعالمي سفيان البقالي التألق فسماء ألعاب القوى العالمية، وتوج اليوم بالدوري الماسي فزيورخ السويسرية.
البطل المغربي سفيان البقالي ربح سباق 3000 متر موانع فملتقى زيورخ للدوري الماسي ودخل هو الأول، محققا توقيت 8:07:67.
وكان سفيان البقالي تمكن قبل أيام فقط، من الفوز فسويسرا أيضا بسباق ديال 3000 متر موانع، فملتقى لوزان ديال الدوري الماسي لألعاب القوى وقطع المسافة ديال السباق فتوقيت 8:02.45.
وكايتعتبر هذا الفوز ديال سفيان البقالي فملتقى زيورخ هو سادس انتصار له هذا الموسم، مع العلم أنه توج قبل أسابيع فقط ببطولة العالم وضافها لذهبية الألعاب الأولمبية اللي ربح العام الماضي.