هادي اخر تطورات اعتداء خليجي على بنت حدا اوطيل صحراء فأكادير

في اخر تطورات حادث الاعتداء على فتاة عشرينية بالقرب من احدى الفنادق المصنفة بشارع محمد الخامس وسط اكادير، قال مصدر خاص ل"گود" ان السائح الخليجي لي فالثلاثينات باقي فالحراسة النظرية وغادي يتقدم على انظار النيابة العامة غدا الاثنين.
المصادر ديال كود قالت ان الضحية خرجات من المستشفى بعد تلقيها العلاج.
ونفى المصدر بلي السائح الخليجي نازل فلوطيل لي وقع حداه حادث الاعتداء وقال بلي السائح نازل فأوطيل آخر فاكادير.
حادث الاعتداء استنفر السلطات الامنية فأكادير البارح السبت واعتاقلو السائح الخليجي لي قالت المصدر ديالنا عندو جنسية كويتية فيما تفتح تحقيق فالموضوع.