داري وحكيمي مغاربة اخرين تألقو فالبطولة الفرنسية

عرفت الجولة الثانية من البطولة الفرنسية لكرة القدم تألق مغربي واضح، من خلال البروز ديال عدد من الدوليين المغاربة مع الفريق ديالهم فالويكاند الماضي.
ونوهت وسائل الإعلام الفرنسية بالحضور القوي ديال المحترفين المغاربة فالماتشات ديال نهاية الأسبوع، وبالإضافة لي عطاو للبطولة الفرنسية مع بداية الموسم الجديد.
ومن بين وسائل الإعلام الفرنسية لي سلطت الضوء على مغاربة البطولة الفرنسية موقع "mixfoot" ولي كيتهم دائما بتقييم مستوى اللاعبين والفرق مع نهاية كل جولة من الدوري الفرنسي بحيث اختار فهاذ المرة 4 ديال اللاعبين مغاربة مع 11 لاعب المزيانين.
وكتضم التشكيلة المثالية ديال الجولة الثانية من البطولة الفرنسية حسب الموقع المذكور كل من المدافع الأنيق أشرف داري النجم السابق ديال الوداد الرياضي ولي لعب أو كرسمي لأول مرة مع بريست وتألق ضد اولمبيك مراسيليا.
التشكيلة كان حاضر فيها المغربي الأخر أشرف حكيمي النجم ديال باريس سان جيرمان ولي دار بداية زوينة مع فريق العاصمة الفرنسية، وساهم فالفوز ديال على مونبولييه بنتيجة 5 أهداف لهدفين.
الموقع الفرنسي اختار أيضا المهاجم زكرياء أبو خلال لي انتقل مؤخرا لفريق تولوز وكذلك حمزة السامي اللاعب ديال اوكسير فالتكشيلة ديال الجولة الثانية من البطولة الفرنسية.