نايضة على "Uber" عاوتاني بسباب حالات اغتصاب وتحرش جنسي.. أكثر من 500 مرا رفعو دعوى ضد الشركة – فيديوهات

رفعات 550 مرا فميريكان دعاوى قضائية ضد شركة "أوبر" (Uber) بتهم الاعتداء الجنسي.
وذكرت هيئة الإذاعة البريطانية "بي بي سي" أن راكبات "أوبر" المتقدمات بالدعاوى أكدو تعرضهم لاعتداءات جنسية من طرف الشيفورات اللي خدامين مع الشركة المذكورة.
وأوضحت أن هذه الاعتداءات تضمنت "الاختطاف، الاعتداء الجنسي، التعنيف الجنسي، الاغتصاب، الاحتجاز، المضايقات، التحرش، أو الاعتداء على يد سائقي أوبر"، حسب الدعوى القضائية اللي حطاتها شركة محاماة ميريكانية نهار الأربعاء الفايت ضد منصة "أوبر" الشهيرة فالمحكمة العليا فسان فرانسيسكو.
واحد المسؤولين ف"أوبر" قال ل"بي بي سي": "الاعتداء الجنسي جريمة خايبة بزاف، وحنا كنتعاملو مع هاد الشكاوي بجدية كبيرة".
وفالمقتبل قال المحامي آدم سلاتر، من المجموعة اللي تكلفات بالشكاية: "جا الوقت فاش تتحرك أوبر وتبدا بإجراءات ملموسة لحماية الكليان ديالها".