بوريس جونسون حط استقالتو من قيادة حزب المحافظين وغيبقى فرئاسة الحكومة حتى ينتاخبو البديل

رئيس الوزراء البريطاني بوريس جونسون حط استقالتو من منصب زعامة حزب المحافظين الحاكم.
وعلن جونسون (58 عام) استقالتو من قيادة الحزب بعد موجة ديال الاستقالات ففريقو الحكومي هاد السيمانة احتجاجا على سياستو على راس حزب المحافظين، ولكن مزال غيبقى فمنصب رئيس الوزراء حتى انتخاب البديل اللي غيجي بلاصتو.
وقال جونسون قدام مقر الحكومة "خاص تبدا عملية اختيار زعيم جديد من دبا". وزاد: "عينت اليوم حكومة تصريف أعمال وغنكمل فالبوسط ديالي حتى يتنتاخب زعيم جديد".
ومع إعلانو الاستقالة من زعامة حزب المحافظين قال جونسون: "خايبة ماتكونش قاد تكمل تنفيذ بزاف ديال المشاريع والأفكار".
وأكد بللي الجدول الزمني ديال الانتخابات الخاصة بزعامة الحزب غادي يعلنو عليه السيمانة الجاي.
واللي ربح فهاد الانتخابات غياخذ منصب رئيس وزراء المملكة البريطانية بلاصة بوريس جونسون.