دار فيها "كونطر اطاك".. كريستيانو رونالدو طالب اللي اتاهماتو بالإغتصاب بتعويضات بسباب التشهير

طالب النجم البرتغالي كريستيانو رونالدو وفريقو القانوني من القاضية جينيفر دورسي باش تغرم محامي المانكان كاترين مايوركَا، ليزلي مارك ستوفال، بتعويض واصل ل626 ألف دولار.
وطلب محامي رونالدو بيتر كريستيانسن، بتعويض نجم مانشستر يونايتد بعد التشهير ليه من خلال الاتهامات والدعاوى اللي توجهات ليه فقضية الاغتصاب اللي رافعاها مايوركَا ضد.
وكانت القاضية دورسي جرات على محامي مايوركَا ستوفال من المحكمة واتاهماتو بالاستعانة بوثائق مشفورة.
كاثرين هي مانكان اتهمات رونالدو باغتصابها وسط أوطيل فلاس فيكَاس ف2009، وقالت أنها كتعاني بزاف من هاداك الاعتداء لدابا ومنها حالة الاكتئاب والتوتر ما بعد الصدمة ديال الاغتصاب.