ضربة صحيحة داروها الجدارمية نواحي أكَادير.. حجز 3 طن ديال الحشيش ف"أمسكرود"

الجدارمية دارو عملية نوعية وكبيرة بزايد. مصادر "كَود" كشفات باللي تمكنات من حجز أكثر من 3 طن ديال الحشيش فلوطوروت جيهة "أمسكرود" نواحي مدينة أكادير.
ووفق المعلومات اللي حصلات عليها "كَود"، فإن هاد العملية اللي تدارت البارح الأحد سالات بحجز هاد بحجز الكميات الكبيرة ديال الحشيش وتوقيف شيفور ديال الكاميو فين تلقات، واللي كان جاي من الشمال.
وقالت مصادر "كَود" أن هاد الكاميو مخصص للطرانسبور ديال الحوت، مشيرة إلى أن الأبحاث والتحريات مزالة متواصلة فهاد القضية تحت إشراف النيابة العامة المختصة، وذلك للكشف عن جميع المتورطين المحتملين وتقديمهم للعدالة.