جريمة قتل قربلات "ولاد زيد" نواحي الجديدة.. الجدارمية قرقبو على 3 ديال الخوت متورطين فيها

وقعات فالجماعة القروية "ولاد زيد"، نواحي مدينة الجديدة، جريمة قتل خايبة وقعات ليلة الخميس.
وحسب المعلومات اللي حصلات عليها "كَود"، فإن خلاف وقع بين ثلاثة ديال الخوت و الضحية، ومن بعد الغوات والسبان والمعيور، سالات المخاصمة بتعريض الضحية للضرب والجرح بجنوية.
وقالت مصادر محلية ل"كَود" بللي الجدارمية تدخلو وقرقبو على المتهمين الخوت، ودبا تدارو فالحراسة النظرية، فانتظار تقديمهم للوكيل العام للملك فمحكمة الاستئناف ديال الجديدة.