كيطالبوه بفلوس صحيحة.. "MBC" رفعات دعوى ضد المغني المصري محمد رمضان – فيديو

حكمات محكمة مصرية على المغني محمد رمضان باش يرجع كَاع الفلوس والصاليرات اللي شدها من عند شبكة قنوات "MBC" واللي وصل المجموع ديالها ل13 مليون جنيه مصري (1 جنيه كيساوي شي 0.54 سنتيم مغربية).
الحكم نزل على محمد رمضان بعدما خرق بنود الكونطرا اللي كتقول أن الأعمال اللي غادي يخدم عليها خاصها تكون حصرية لقنوات "MBC".
المستشار ثروت عبد الشهيد، محامي شبكة "MBC" قال بللي المصري محمد رمضان متعاقد مع المجموعة باش يدير أعمال فنية حصرية خاصة بيها ف2017، 2019، و2020 وشد فلوس كثيرة كتسبيق لكن هو فاللخر ما التازمش بهاد التعاقد ومادار والو.
محمد رمضان عوض ما يخرج يرد ويفسر موقفو من هاد لافير اختار يدفع كبير ويتعفر بطريقة باسلة، كيف قالو بعض المتابعين، ولاح فيديو فالكونط ديالو على "أنستكَرام" فيه خوه فطيارة خاصة كيحسب الدولارات وكتب عليها "هواية خويا المفضلة".
https://www.instagram.com/reel/Ce1t5_Gos-P/?utm_source=ig_web_copy_link