تويت نوض الشياط.. الشيعة فالعراق هجمو على حفل ديال سعد لمجرد وكاينة تهديدات بالسلاح -فيديو

كيعيش المغني اللي متهم بالاعتداء الجنسي ففرنسا، سعد لمجرد، فهاد الأثناء أسوء أيام حياتو، بعدما هجمو شيعة فالعراق على مدينة الألعاب "سندباد لاند" لي داير فيها الحفلة ديالو، وناض الشياط قبل ما يطلع يغني.
لمجرد محاصر، وكاينة جوقة ديال الناس كيقولو أنهم مسلحين باغيين يقتاحمو البلاصة من بعد تغريدة ديال ابو علي العسكري، مسؤول المكتب الأمني فكتائب حزب الله العراق، لي حرض فيها على العنف.
pic.twitter.com/gP28IfM4er
— ابو علي العسكري (@abualialaskry1) June 9, 2022
وعلنات مدينة "سندباد لاند" الترفيهية على إلغاء حفل لمجرد، بعد تجمع العشرات من المحتجين كيقودهم رجال دين متطرفين.
وقال أحد القائمين على المدينة الترفيهية لوكالة "شفق نيوز"، "قررنا إلغاء الحفل بعد تهديد باقتحام المدينة والحفل من قبل المتظاهرين".
وكان 5 الاف واحد قررو يشريو التيكي باش يحضرو الحفل ديال سعد لمجرد (واخا متهم بالاعتداء الجنسي على جوج عيالات)، غير دابا غادي ترون ديال بصح حيت غادي بغيو تعويض على فلوسهم.