الوكالة الجامعية للفرنكوفونية غادي توسع النشاط ديالها فالمغرب

قال عميد الوكالة الجامعية للفرنكوفونية، التونسي سليم خلبوس، أن الوكالة وقعات اتفاقيات مهمة مع وزارة التعليم وأكاديمية المملكة لتشجيع البحث العلمي في المملكة باللغة الفرنسية ودعم تشغيل الشباب وتأسيس أكاديمية الفرنكوفونية للعلوم.
وقال خلبوس في لقاء مع الصحافة أن الوكالة الجامعية للفرنكوفونية غادي تأسس خمس مراكز لتشجيع التشغيل ديال الشباب في جامعات وجدة وبني ملال ومكناس وجديدة وكازا، وغادي توفر تكوينات للشباب باش اكونو مستاعدين لسوق الشغل وشهادات ديال اللغة وهاد المراكز غادي تستقطب مستثمرين لي كايقلبو على كفاءات جامعية وهادشي مهم اكون في العديد من الجامعات لي ماكاينش بينها وبين سوق الشغل شي قنطرة. وبطبيعة الحال التكوينات غادي تكون بالفرنسية
وقامت هاذ المنظمة لي كاتدعم البحث العلمي باللغة الفرنسية وعندها أكثر من 1000 جامعة عضو أنها وقعات اتفاقية مع أكاديمية المملكة لتشجيع النشر باللغة الفرنسية والتعاون في تنظيم الندوات في المغرب والانفتاح على الدول الافريقية خاصة وأن أكاديمية المملكة عندها قسم خاص بالدراسات الافريقية.
والمهم هو أن هاذ المنظمة لي عندها فرع نشط في المغرب غادي تأسس أكاديمية الفرنكوفونية للعلوم في المغرب ومن بين الأهداف ديالها هو تشجيع النشر العلمي والمجلات الإنديكسي بالفرنسية.